تجربتي مع منتجات تكثيف الشعر المؤقته

(( بسم الله الرحمن الرحيم ))

تدوينه اليوم 

عن منتجين يعطون كثافه للشعر مؤقته

منتج اعجبني مره و منتج بصراحه فاشل :( 

اول واحد اخذته صدفه وماشفت احد تكلم عنه 

والثاني جداً مشهور 

اول منتج من 

 organix 

biotin & collagen 

root boost spray 

بخاخ تبخينه ع الجذور ،، يخلي شعرك كثيف و جذاب ع قولتهم 

المنتج سائل كأنه مويه بس القوام اثقل شوي

ريحته عطريه تشبه للفانيلا 

ماتثبت في الشعر حدها ربع ساعه وتروح ،

تقدري تستخدميه طول اليوم

و اذا انتي تسشوري شعرك ،، تستخدمينه قبل السشوار .

المنتج يعطي كثافه للشعر مره حلوه و شكلها طبيعي 

يعني 

تعرفين الحركه الي نسويها لما نضغط ع الشعر من ورا لقدام

ويسير فيه انتفاخ 

بالضبط كذا يخلي الشعر ،،، انتفاخ حلو .

و الحلو فيه انه مايخلي الشعر يابس

او للونه باهت .

ما لاحظت اي ضرر ع الشعر اثناء استخدامه 

و لايكتم الشعر .

اشتريته من سنتربوينت 

وسعره ناسيه :( 

انصحكم فيه ..

المنتج الثاني 

batiste 

xxl volume 

dry shampoo 

بخاخ مضغوط ، المنتج بودري ومو سائل للونه ابيض 

وفيه ريحه عطريه حلوه و ثباتها خفيف 

هو شامبو جاف & ويعطي كثافه للشعر .

تبخينه ع الشعر و يكون البخاخ يبعد عن شعرك ٣٠ سم

وبعد ماتخبينه تسوي مساج خفيف لشعرك عشان للونه الابيض يخف ويتوزع المنتج  .

طبعاً اللون مايخف ويسبب بهتان لـ للون الشعر مع اني ابخه من بعيد الى انه للونه واضح ،

يعيبه كمان انه يابنات يخلي شعرك متشابك بشكل عجيب .

وااه اشيل هم اذا كنت بمشط شعري ،، اساساً امشط شعري وعيوني

كلها دموع من الالم .

نهايه اليوم ضروري تحممي شعرك 

لانه يخلي الشعر يابس كأنك حاطه مثبت شعر .. حتى لو انك مخففه من المنتج

وما بخيتي كثير .

يكتم يكتم الشعر .

يعطي كثافه للشعر بس عيوبه الي ذكرتها فوق تغطي ع هـ الشي الايجابي .

ممكن ارجع استخدمه في المناسبات الكبيره.

سعره 38 ريال 

من صيدليه بوتس 

انتهى ...