(( بسم الله الرحمن الرحيم ))
بتكلم اليوم عن الشعر الجاف و الكيرلي
اكثر نوعيه شعر صعب التعامل معاه :(
|| تشابك || جفاف ||
بنبدء بالزيت :(
ما احب تزيت الشعر مرررره و اكره شي بالحياه زيت في شعري
واااه :( :(
بس الشعر الجاف ضروري ضروري له الزيت .
و الزيت الوحيد الي يبين نتايجه من اول استخدام هو زيت النارجيل .. جد شي رائع
نتايجه لانه يرررطب من قلب .
الي بالصوره من الانواع العضويه ، و ريحته خفيفه و تشبه لـ الباونتي .
فيه بالصيدليه حق وادي النحل و يعيبه ريحته القويه .
و فيه الانواع الهنديه بالسوبر ماركت بس كمان يبعبه الريحه القويه .
استخدامي له ٣ او ٤ ساعات ع الشعر
والبس فوقه كاب بلاستيك << شي ضروري الكاب .
من الخطوات المهمه عشان شعرك لاينشف
هو البلسم او حمام الزيت ..
اجمل شي جربته سعره حلو ومتوفر بكل مكان
هو بوناويل بالقمح .
يرطب الشعر ويعطيه لمعان .
استخدمه ع كامل الشعر ماعدا فروه الراس .
لانه لو استخدمتيه ع فروه الراس راح يسبب تساقط للشعر .
نفس الشي مع كل منتجات البلسم ماتستخدم ع الفروه .
موجود بالصيدليات و السوبر ماركت .
اهم شي يحافظ ع شعرك و مايخليه منفوش
هي المنشفه .. منشفه الشعر لها صله كبير ب انها تحدد نفشه شعرك في اليوم
الي تتحممي فيه .
منشفه الشعر من سوب اند جالوري
رائعه و تجننننننننن .. نوعيه قماشها هو الكلام كله
النوعيه هي بوليستر ... polyester 100%
نفس هـ المنشفه كمان تلاقونها في ماركس اند سبنسر
بس نسبه البوليستر فيها ٨٠٪
المهم هـ الخطوه مررره مهمه ،، و هـ المناشف تخلي الشعر ماينفش ولا يجف بعد التنشيف
و يخليه ملفوف بطريقه حلوه .
فرشه الشعر " ويت من صيدليه وايتس "
امممممم اذا ماجربتيها فا فاتك نص عمرك :(
الحلو فيها انه اذا شعرك متشابك ما راح تتعبي في تمشيطه ابداً
و لا راح تحسي ب الم اثناء التمشيط .
كمان فيه فرشه ماكديميا من نزيه
رووووعه هالفرشه و سحريه بصراحه .
هاذي الطريقه مرره مرررره تجنننننن
و اذا ما استخدمتها شعري يسير باهت وناشف .
اذا نشفتي شعرك نص تنشيفه
وزعي سيروم ارجان او اي سيروم انتي تحبينه و ترتاحي عليه ع كامل شعرك ،، وبعدين ارجعي
و لفي المنشفه ع شعرك .
بعد ماينشف شعرك و المنشفه امتصت كل المويه ،، مشطي شعرك بالمشط .
بديل الزيت من لوريال بـ زيت الارجان
يجننننن يابنات ،، استخدمه بعد ما انشف شعري
روعه و يهجد نفشه الشعر و يخلي كيرلي الشعر مرررتب
يعطي لمعه صحيه و الاهم مايلبد الشعر
وماتحسي انك حاطه شي .
ضروري تجربونه :)
متوفر بالصيدليات و السوبرماركت .
اخر منتج جربته و عليه كلام كثييير
هو بانتين بديل الزيت للشعر التالف .
المشكله هي في جمله " لا داعي الى غسله "
مكتوبه ع المنتج بالخلف .. احس فيها غلط
لانه كاني حاطه بلسم يلبد بالشعر و دسم احسه .
حاولت اتقبله لكن ماقدرت :(
و عشان اخلصه .. استخدمه بعد الشامبو كـ بلسم و بعدين اغسله .
انتهى ..
قد جربت بديل الزيت بانتين و لوريال حبيتهم و المشك من جد منقذ الحياة
ردحذفالبوست مره مفيد يعطيك العافيه 💕
ردحذفوين الاقي زيت النارجيل العضوي؟ وسيروم الارقان؟
شكراً شكراً سلطانة دايماً استفيد كثيير من مواضيعك
ردحذفوكل فترة افتح مدونتكِ تفتح النفس ومرتبة
ربي يديكي الأجر ��������
بديل الزيت من لوريال فيه سيلكون ، والسيلكون يضر الشعر لانه يسوي طبقه على الشعرة فتشوفينها ناعمة وجميلة لكن مع مرور الوقت يخرب الشعر ، كلامي عن تجربة طوييلة معاه ما انصح فيه ابداً
ردحذفيسلمك ربي، كنت بحلجة لمثل هالموضوع، استغربت من فوطة البوليستر!! أنا دايمًا أبحث عن مايكروفايبر!
ردحذفبداية حابة أشكرك بحجم السماء على هالمدونة الثروة , الله يسعدك على قد ما تفيدينا و أكثر .
ردحذفممكن طلب : حابة أعرف كل منتج من فين أجيبو و شكرا ً
طيب ليش يقولون ان الفرشاة دمار الشعر حتى المشط البلاستيك لأنهم موضد الكهرباء الساكنه اللي تدمر الشعر وان افضل شيء استخدام مشط الخشب !
ردحذفحبيبتي كم سعر المنشفه ؟؟
ردحذفلما أحط ماسك للشعر هل لازم ألبس كاب بلاستيك ولا فوطه تفي بالغرض ؟؟
صادقة انا مجربة لوريال وبانتين نفس' كلامك بالزبط مجربته بنفسي
ردحذفhttp://www.alcurls.com
ردحذفتابعي مدونتها تتكلم عن الشعر الكيرلي 😍
شكرا حبيبتي عالمقال المفيد, فعلا لازم العناية تكون مكثفة للشعر خاصة للشعر الجاف, في كثير منتجات تساعد على ترطيب الشعر الجاف وتنعمه خاصة المنتجات المصنوعة من جوز الهند, شفت في موقع باراشوت عاملين مجموعة كاملة من الزيوت والكريمات وحمام الزيت وبديل الزيت والسيروم, وكلهم مكونهم الأساسي الكوكوليبيد, هذا الموقع http://www.parachutegold.com/ar/products/category/oils/
ردحذف