كلارينس دوبل سيروم

Clarins 

Double Serum 

مصل دوبل سيروم من كلارينس ،، يحتوي على اكثر من 20 خلاصه نباتيه ،، تتنوع مابين الفواكه و النباتات 

و الزيوت الاساسيه الطبيعيه .

المنتج يوعدك بـ اعاده وتنشيط خلايا البشره ، و احياء اهم الوظائف الاساسيه التي تفقدها البشره مع تقدمها 

في السن .. الترطيب و تغذيه البشره ، و اعاده احياء الخلايا حتى تعمل على توازن البشره .

يقلل من مظهر التجاعيد و الخطوط الدقيقه & يمنح نعومه و نضاره للبشره & يقلل من مظهر المسام .

يستخدم من عمر 25 وما فوق .

* المصل .. ثنائي السيروم .. قوامه للزج نوعاً ما *

طريقه استخدام السيروم جداً جداً مهمه ،، و اذا استخدمت بشكل خاطيئ 

ما راح تستفيدي منه ابددد .

تستخدمي ع راحه ايدك ضغطه واحده او ضغطتين اذا حسيتي فيسك عطشان 

توزعي المنتج ع راحه ايدك و تخلطي السيرومين ،، لانه زي ماذكرت فوق انه ثنائي السيروم .

بعد كذا تطبطبيه ع وجهك و بدووون مسح ،، فقط طبطبه 

ع كامل الوجه .

تجربتي ..

* بشرتي مختلطه تميل للجافه .

* استخدمته خلال ثلاث اشهر تقريباً يومياً ، في اليوم استخدمه من مره الى مرتين .

الحجم 30 مل .

* اول مره استخدمت السيروم بشرتي تهيجت و طلعت لي بثور ،، بس كانت رده فعل من المنتج 

لانه بشرتي حساسه اتجاه اي منتج جديد .

* حبيت استخدامه في فتره الصباح و قبل المكياج ، و قبل موعد النوم بأكثر من ساعتين .

* ماحبيته ابداً قبل النوم ، لانه احسه يكتم البشره مع انه خفيف بس هذا احساسي ، و غير كذا 

لما اصحى من نومي بشرتي تفرز دهون بشكل غرررررريب هذا فقط في حاله استخدامه قبل النوم مباشره .

* حبيت انه بشرتي من اول استخدام ع طول مترطبه .

* لاحظت المسام خفت بشكل بسييط ، و بشرتي ناااعمه .

* يعطي نضاره عجيبه بعد كل استخدام ، خاصه في اول الايام لأستخدام السيروم .

سعر السيروم بـ 300 وشي وكان عليه عرض مع منتجات و شنطه ،، من سيفورا دبي مول .

هل راح ارجع و اشتري السيروم ..؟

مستقبلاً اكيد ،، ان شاء الله ،، بس بالوقت الحالي لا ،، لانه زي ما تعرفوني احب 

انوع في استخدامي للمنتجات .

وضروري هالشي للبشره عشان لاتتعود ع خصائص المنتج وماعاد تشوفين عليها اي تحسن .

انتهى ...