مفضلاتي لشهر مارس و ابريل و مايو " ميك اب "

(( بسم الله الرحمن الرحيم ))

خلال شهر مارس و ابريل و مايو ،، استمتعت بتجربه افضل المنتجات 

guerlain blanc de perle 

برايمر و واقي من الشمس ومفتح للبشره من جيرلان 

تكلمت عنه في تدوينه عن برايمراتي المفيده للبشره 

http://sultana989.blogspot.com/2015/05/blog-post.html

عجيب و اذا خلص راح ارجع اشتري منه ان شاء الله ،، قوامه حلو ومعتدل و اتوقع يصلح لكل انواع البشرات .

اساس لوريال لومي ماجيك 

ارواع اساس جربته ل اكثر من سبب .. اول شي سعره مره مناسب 

اخذته ب ٧١ ريال من صيدليه وايتس وكان عليه تخفيض .

يعطي مظهر ديوي ، يناسب البشره الصافيه والخاليه من العيوب ، فا ع كذا تغطيته متوسطه 

ومره طبيعيه .

ب امكانك تدمجينه ب البيوتي بلاندر او بالفرشه ،، تدرجات اللوانه رائعه .

راح اشتريه ثاني 

كونسيلر نيكيد سكين 

منتج رائع ، حبيته من اول استخدام ، تكلمت عنه بشكل مفصل في تدوينه الكونسيلرات 

http://sultana989.blogspot.com/2015/05/blog-post_10.html

انصح الكل فيه ،، لانه استخدامه سهل مره و توزيعه اسهل .

سعره ١٣٥ ريال 

راح ارجع و اشتريه ثاني 

شادو من شانيل 

ombre essentielle 

للونه موف مات كانه شامواه ، و للونه مميز لعشاق الموف ، استخدمه استخدام يومي او ادمجه مع اي للون 

وضوح اللون ٥٠ ٪ ومو قوي كـ عاده شادوهات شانيل و مايمشي مع اي فرش ،،، شادوهات شانيل لاحظت انها 

تمشي تمام مع فرش شانيل .

قلة وضوح اللون اشوفه شي ايجابي مثلا للاستخدام اليومي .

مو متذكره سعره بس انه ١٠٠ وشي 

منتجات كولور بوب 

جربت الارواج والشادوهات و البلاشر ، الارواج الوانها قويه و واضحه كريميه بشكل خفيف بس ثباتها عاااالي 

و حبيت انهم يعرضو للون الروج من برا و ضروري ترطبي شفايفك قبل الاستخدام .

الشادوهات خييياليه ،، الوانها واضحه وقويه وثابته ،، و الشادو تركيبته غريبه ، كريميه و رطبه بشكل خفيف .

انصحكم في هـ الماركه كثير ، سعرها رخيص و جودتها عاليه ، حتى غلافها الخارجي متعوب عليه 

مو زي بعض الماركات الي اسعارها منخفضه .

راح اجرب منهم الوان جديد ان شاء الله .

ارواج مارك جاكوبس " مات "

تجننننن ب اختصار ،، تكلمت عنها بالانستقرام و شاركتكم الالوان الي عندي 

"مات" ويعطي ترطيب عالي جداً للشفايف و ثباته عاالي  .

اكثر للون احبه من المجموعه الي عندي هو 226 scandel 

للونه عنابي غامق .

اتوقع كل البنات الي راح يجربونه ، راح يعجبهم 

سعره ١٠٠ ريال 

ليب جلوس من جرادار 

plum crazy 

عند هذا المنتج اقف حائره هههههههه 

للونه يابنات شي ما اقدر اوصفه ، متخيلتهم ماخذين الوان ودمجوها مع بعض 

وطلع لهم هـ اللون .

حبيت للونه و ثباته مع انه جلوس .

المنتج جلووسي ثقيل ، ممكن البعض مايتقبله .

منتجين من سيفورا 

من اليمين روج كريمي للونه عودي يجننننن و ريحته زي الكرز

رقمه ٢٣

اخذت منه حبتين ،، لانه عارفه اذا تكلمت عنه راح تخلصونه :)

احبه للاستخدام اليومي ، يرطب الشفايف وللونه قوي و واضح و ثابت .

سعره في ال ٧٠ ريال 

المنتج الثاني قلم اضائه لتحت الحاجب و لمدمع العين ، يعطي اضائه و تنوير 

من دون مايترك المكان كله قليتر ،، صح هو فيه قليتر بس جزيئاته بسيطه غير مرئيه ، فا يعطي مظهر 

طبيعي و رائع ،

استخدمه لكل يوم ، و ادمنته .

سعره في ال ٥٠ ريال .

بلاشر جيرلان 

meteorites 

من قبل لاينزل عندنا وانا منهبله عليه :( 

للونه يجننننننننن و ثباته متوسط ، ريحته خياليه :( ، مسحه بسيطه بالفرشه يمسك اللون ع طول .

تعليبه اجمل تعليب بلاشر جربته ،، و هالشي مو مستغرب ع جيرلان .

سعره ٢٠٠ وشي 

برونز من سيفورا 

moyen medium 2 

للونه بني فاتح و قليل من اللون البرتقالي الغامق ، فيه قليتر جزيئاته صفيره .

اول ماشوفه ع طول يجي ع بالي صييف & صيييف 

للونه مرره مررره ثابت و بصراحه ماتوقعته كذا ..!

استخدمه عشان اخفف من حده للون البشره ، و استخدمه للتحديد فوق الكونتور ، لانه عاجبني لمعته فا 

يطلع فوق الكونتور يجننن .

المنتج هذا اعطاني جرعه من الحماس عشان اجرب باقي منتجات البرونز من سيفورا .

اضائه جيرلان 

poudre de soie 

اضائه ورديه ، اول ما اشتريتها كنت خايفه يكون للونها قوي ع البشره 

بس لما استخدمتها ، اضائتها خففييييفه و طبيعيه .

ثباتها من متوسط ل اعلا .

ناسيه سعرها :(

مسكارا من جيرلان 

maxi lash 

المسكارا هاذي وقعت في حبها من اول نظره ،، اتذكر كنت في سيفورا وكانت الموظفه 

ترتبها في الرفوف 

والله يابنات ع طول اخذتها ومن دون ترددد ، و عطول جربتها وعلمتكم عليها 

و ماشاء الله ماقصرتو ع طول خلصتوها .

حبيت فيها شي مميز ،، انه تعطي للون اسووووود للرموش و تعطي مظهر كآنك راسمه خط ايلانر بسيط

ع رموشك و تعطي كثافه .

فرشتها بلاستيكيه ، تبسط لك الاستخدام و توصل ل زوايا العين .

استخدامها يابنات من الجهه الاماميه فقط ولاتمرريها ع الجهه الخلفيه للرموش " يعني لاتستخدميها ع الجهتين " امشي ع الرموش بشويش .

سعرها ١٦٠ ريال 

ماسكارا للحواجب من مارك جاكوبس 

جل خفيف لونه شفاف ، يساعد ع تثبيت و ترتيب شعر الحاجب من دون ما يخليه يابس كأنك مستخدمه سبري مثبت للشعر .

يساعد ع تثبيت للون جل او بودره الحواجب .

حبيت فرشتها زي الماسكارا بس لها شعيرات .

سعرها ١٠٠ ريال 

و راح ارجع واشتريها ثاني ان شاء الله .

انتهى ....