تعطير المنزل و انواع البخور المفضله

((( بسم الله الرحمن الرحيم ))

كيفكم بنات 

تدوينه اليوم عن البخور الي استخدمه و طريقه تعطير المنزل 

انواع المعطرات المنزليه ..

العود الازرق او الكمبودي ، خشب عود مشبع بالعطور ،

 معمول معطر ، فواحات عطريه ، معطرات جويه .

راح اتكلم بالترتيب عن الي موجودين بالصوره كلهم 

وبعدها راح اكتب طريقتي في التبخير و التعطير .

معطر الجو " glade " لتعطير الهواء و الاقمشه 

انا انسانه اكره معطرات الجو ،، لانها تتعبني و تكتمني من المواد الي يحطونها 

عشان تخلي ريحة العطر فواحه .

ماعدا هالنوع الي بالصوره لي اكثر من ٣ سنين و انا استخدمه 

الروائح بـ انواعها كلها للطيفه .. وماتكتم ابداً .

اكثر ريحه احبها هي 

fresh mountain morning 
وهو اول واحد يسار الصوره .

العود عشقي بكل انواعه 

اعشق ريحته الفخمه و يذكرني بـ الاعياد و العزايم و الافراح بشكل عام .

وانا اكتب لكم تذكرت ريحته مع القهوه واااه ياقلبي :( 

جربت انواع كثيره كل نوع يتميز عن الثاني بشي ..

من اكثر الانواع الي انا اعشقها و ريحته ثابته في البيت بشكل خيالي 

يعني تجلس بالايام و توصل لـ اكثر من اسبوع .

النوع الاول :

هو عود كنام

 من عبدالصمد القرشي ،، عجيب و تميزي ريحته من قبل تبخرين فيه يعني اذا شميتي الخشب تميزينه .. من ريحته الخارجيه .

سعره ناسيته بس اعتقد الوقيه ٣٠ جرام ب ٥ الاف .

النوع الثاني :

اسمه كيارا 

ومن عبدالصمد القرشي ،، ريحته فخمه ومرره مميزه و ثباته ممتاز بالبيت 

بس مو زي عود كنام .

سعر الوقيه ٣٠ جرام بـ ٣ الاف .

ع بالي صورته لكن طلع الي مصورته مو هو فا ما امدآني اصوره ثاني .

النوع الثالث :

اسمه دقه ملكي او حجازي 

شي من كذا .

طبعاً هو مرره صغير و مكسر ، عباره عن بقايا انواع البخور 

يعني انواع كثيره من البقايا مجمعينها .

اذا تحبي العود الازرق 

هاذا يصلح لكل يوم .. بس الريحه مو مره فاخره و ثابته 
يعني حده يومين .

الوقيه سعرها ٦٠٠ ريال 

النوع الرابع :

اخذته من الماجد ، ما اعرف ايش نوعه 

رأي عنه 

ثباته متوسط وفوحانه جيد اذا ميزانيتك اقل من ٥٠٠ ريال 

لانه اعتقد اخذت الـ ٣٠ جرام بـ ٣٠٠ ريال .

نجي للعود المعطر 

الي بالصوره كلهم اعشششششقهم 

من اليمين :

عود العنبر من الجزيره للعطور 

جمييل جدا وريحته مميزه ويصلح للعزايم ،، و استخدمه من اول مافتح محل الجزيره ببانوراما مول 

بس الفتره الاخيره احس تركيز ريحة العنبر فيه مو زي قبل :(

سعره اعتقد ٢٠٠ ريال 

البخور الي بالوسط :

جايبور عتيق " ورد الطائف "

هالشي يجنننن مره وريحته تهبل مع انه معمول ،، و بالنسبه لي 

ماحب المعمول لانه غالباً يجي فيه ريحه خشب محروق 

بس هاذا غير وما احس بـ ازعاج وقت ما ابخر فيه .

من نفس المجموعه في عنبر للون علبته ازرق 

مره يجنن و ريحته حلوه كمان ،، نسيت اصوره للاسف :( 

استخدمهم لكل يوم ومايصلحون للمناسبات .
اسعارهم ٢٠٠ ريال للعلبه من عبدالصمد القرشي .

اخر عود و هو الي بالاخير :

اسمه 

عود بخور معطر ملكي 

بالعنبر 

هالشي عجييييب و ريحته عنبر فخمه ومره فواحه 

وفخمه .

يصلح تبخري فيه البيت بوقت العزايم او بدون .

من عبد الصمد و ناسيه سعره .

الفواحات العطريه 

جربت كثييير براندات ،، اكثر شي عجبني 

هي ديورانس 

فوحاتهم تجنننن و خفيفه وفيه منها انواع كثيره 

 احب الافندر حقهم لانه ريحته لافندر لافندر و مو اي شي :)  و فواحه ثانيه 

ناسيه اسمها مخلصه من عندي ،، ريحتها نفس ريحة الفكس و تذكرني بالسبآ .

و اشتري منهم وقت التخفيض واعتقد حالياً عندهم تخفيض .

 صناعتها فرنسيه .

بالاخير طريقتي في تثبيت 

الروائح العطريه او البخور .

هو اني ارش البخاخ المعطر الي موجود بـ اول الصوره ع الاثاث .

و ابخر بعده ع طول بالعود او البخور .

الريحه تثبت اكثر لانه .. الروائح بشكل عام تثبت ع الاماكن الرطبه .

...

انتهى و ان شاء الله عجبتكم التدوينه :)