السلام عليكم
تجربتي مع هالمنتج السحري
Make Up ERASER
المنتج عباره عن منشفه خامتها زي خامه البطانيه
ناعمه مررره
طولها و عرضها جدا مناسب .
آمنه و مافيها اي مواد ضاره
قبل لاتستخدمينها تغسلينها في الغساله .
طريقه استخدمها
.. تبلينها بالمويه وتستخدمينها وتمسحين فيها وجهك ل ازاله مكياج الوجه بدون اي اضافه من مزيلات المكياج ،،
المنشفه توعدك ب انها تزيل كامل المكياج وحتى الي ضد المااء بسرعه .
تجربتي و رأي في المنشفه .
فكرتها مررره جميله وحلوه ،،
بالنسبه ل ازالتها ... الاساس تشيله بسرعه ومن مسحه وحده تقريبا ، اما مكياج العيون مو من مسحه وحده لازم ترجعين اكثر من مره وحده وهذا اذا كنتي حاطه ايلانر و مسكارا ضد الماء ، مكياج العيون العادي بدون ايلانر من مسحتين تقريبا .
" ب اختصار الي تستخدم مكياج يومي ومو ضد الماء وحابه توفري وماتستخدمي مزيلات ميك اب يناسبك المنتج "
اما بالنسبه لي بصراحه ماحبيتها ، وما اخفي عليكم اول مره استخدمته مرره ابهرتني بس بعدين حسيت اني ما اقدر استوعب فكره ازالتها للميك اب يعني احس يكون داخل البشره بواقي اساس وغيره .
وشي ثاني ماحبيته هو انه انا ما احب امسح بشرتي بقوه بمنشفه يمين ويسار و غيره من الفرك لانه ممكن يسبب تجاعيد ،، هذا المنتج يطلب منك انك تمسحي بشرتك ب هالطريقه .
ب الاخير ضروري جدا تستخدمي بعده غسول مكياج .
